Udushya n'imyambarire byagaragaye mu gitaramo cya Primus Guma Guma mu Ruhango

Ibitaramo bya Primus Guma Guma Super Star bikunze kurangwa n’udushya dutandukanye kuburyo nta gitaramo kiba gisa n’ikindi byanze bikunze, imyambarire, imyitwarire ku rubyiniro n’ibindi bitandukanye bikaba biri mu bituma hazamo itandukaniro rinini nk’uko byagaragaye no mu gitaramo cyabereye mu Ruhango.

Imyambarire y’abahanzi bamwe yatangaje abari bitabiriye iki gitaramo
Abahanzi batandukanye mu bitaramo bya Primus Guma Guma Super Star baba bafite imyambarire igiye itandukanye kandi buri muhanzi ugasanga agerageza gushyiramo itandukaniro; uko yari yambaye ubushize ntabe ariko yambara. Mu myambarire yagaragaye mu ruhango, abahanzi nka Senderi na Young Grace nibo batunguranye cyane.

Umuraperi Jay Polly ni uku yari yambaye mu gitaramo cya Primus Guma Guma Super Star mu Ruhango




Umuraperi Ama-G nawe ni uku yari yambaye



Bruce Melody ni ukuri yari yambaye


 
Abasore batatu bagize itsinda rya Active ni uku nabo bari biyambariye



Umuhanzikazi Teta Diana ni uku nawe yari yambaye

Aha Teta yabyinanaga na MC Anitha Pendo ndetse na MC Tino



Anitha Pendo na mugenzi we Mc Tino



Christopher nawe ni uko yari yambaye



Abasore Platini na TMC bagize Dream Boys ni uko bari bambaye


Jules Sentore ni uko yari yambaye mu Ruhango






Young Grace ari mu bahanzi batangaje abari bitabiriye igitaramo cyo mu Ruhango








Senderi ni umwe mu bahanzi nawe watangaje benshi haba mu myambarire ye ndetse n'ukuntu yakuyemo imyenda ashaka kwerekana igituza cye

Ubwo Senderi yaririmbaga, bamwe mu bahanzi bagenzi be bari barimo guhengereza bumiwe
Gushyamirana hagati y’abaraperi babiri; Ama-G The Black na Jay Polly
Muri iki gitaramo cyabereye mu Ruhango, ubwo umuraperi Ama-G The Black yageraga ku rubyiniro bamwe mu bafana bari bafite ibyapa byamamaza Jay Polly bamweretse ko batamwishimiye, nawe ntiyaripfana arabihanangiriza maze biza gutuma bamutuka ndetse banamumenaho inzoga.  Nyuma y’uko amenwaho inzoga, Ama-G yatangaje ko abamumennyeho inzoga atari abafana ba Jay Polly bo mu Ruhango, ko ahubwo asanzwe ababona no mu bindi bitaramo bityo bakaba aria bantu baje bavuye i Kigali boherejwe na Touch Record aho Jay Polly abarizwa muri iyi minsi.

Gusa Jay Polly we yabyamaganiye kure, avuga ko ntaho ahuriye n’ibyo bintu atanabizi ndetse ko ntaho ahuriye n’urugomo rwakorewe Ama-G, mu gihe Ama-G we yakomezaga guhamya ko ari akagambane kamukorewe.
Ubwitabire n’imyitwarire y’abafana
Kimwe no mu bindi bitaramo byose bya Primus Guma Guma Super Star, mu Ruhango naho abantu bari benshi cyane ko ari n’ubwa mbere ibitaramo by’iri rushanwa byari bibereye muri aka karere, bamwe mu bafana nk’uko byagiye bigaragara ahandi bakaba baragaragaye buriye ibiti kugirango babashe kureba neza.

Ikindi kandi ku bijyanye n’abafana, hongeye kugaragara ibyapa byamamaza abahanzi batandukanye, gusa ababikurikiranira hafi bakemeza ko abakoresha ibi byapa ari abantu bamwe bagenda babizengurukana ahantu hose hagiye kubera igitaramo cy’aya marushanwa kuko akenshi biba bisa n’ibyagaragaye ahandi hose habanje, n’ababibungana bakaba aria bantu bamwe. Ibi byanashimangiwe n’umwe mu bafana ba Jay Polly waganiriye na Radio Salus maze yemeza ko yavuye i Kigali agiye gushyigikira uyu muraperi.

Uyu ni umwe mu bafana ba Jay Polly, n'ubwo afite ubumuga ari mu bazindutse baje kureba uyu muraperi
Mu tundi tuntu twahabaye, MC Tino wari umushyushyarugamba muri iki gitaramo cya Primus Guma Guma Super Star, yagaragaye yongorera Dj Bisoso warekuraga umuziki, gusa n’ubwo ntawe uzi icyo yamubwiraga, bakimara kuvugana Bisoso yahise ashyiramo indirimbo yabo (TBB) nshya yitwa “Yampaye inka”.

• Tweet
• Share
• Share
• Share
• Share

About Admin MC3

This is dummy text. It is not meant to be read. Accordingly, it is difficult to figure out when to end it. But then, this is dummy text. It is not meant to be read. Period.

Related Post