Konshens yataramiye ku nshuro ye ya mbere i Kigali, bamwe baranyurwa, abandi bamushidikanyaho – AMAFOTO

Mu gitaramo ngarukamwaka cy’umwaka mushya cya East African party, umuhanzi Konshens ukomoka muri Jamaica yataramiye imbaga y’abakunzi be bari bitabiriye iki gitaramo cyabereye muri Parking ya stade Amahoro.

Uyu musore wageze kuri stage ahagana saa yine z’ijoro, yakoze umuziki mu buryo bwa semi-live afashijwe n’umu Dj we, maze mu njyana ze zitandukanye zibyinitse mu njyana ya Dancehall na Reggea, bamwe mu bakunzi be b’I Kigali bigaragara ko bamwishimiye cyane gusa ku rundi ruhande hakaba abandi bafana bari baje baziko akora stage ikomeye batungurwa ni uko uretse we na Dj we nta wundi muntu bari bari kumwe ku rubyiniro.

Konshens yasesekaye ku rubyiniro wenyine, mu gihe benshi bibwiraga ko aza kuba agaragiwe n'abakobwa benshi batigisa imibyimba nk'uko biba bimeze mu mashusho y'indirimbo ze

Mbere y’uko uyu musore agera ku rubyiniro abahanzi nyarwanda bari bateganijwe babanje basusurutsa abafana, uretse umuraperi Green P utubahirije amasaha yari yagenewe bituma atabasha kuririmba. Bruce Melody ni umwe mu bahanzi bigaragaje cyane muri iki gitaramo, aho yongeye gushimangira impano ihebuje n’urukundo afitiye muzika.


Bruce Melody yagaragaje ko yiteguye neza iki gitaramo ashimisha mu buryo bukomeye abafana b'umuziki muri live ye izira amakemwa
King James wakoze igice kimwe live, ikindi playback nawe yashimishije abantu cyane cyane mu ndirimbo ze zibyinitse nka Umuriro waste, Ganyobwe, Ndagutegereje n’izindi. Itsinda rya Urban boyz naryo ryataramiye abakunzi baryo, mu gihe umuhanzikazi Allioni nawe yataramiye abafana b’umuziki mu buryo bwa live.


King James yatangiye akora live mu ndirimbo ze zigenda buhoro zirimo, Mbabarira, Yantumye, Naramukundaga, Ndagukunda, maze asoza mu buryo bwa playback
REBA UKO BYARI BYIFASHE MU GIHE KONSHENS YARIRIMBAGA



Konshens mu ndirimbo ze zitandukanye zirimo Walk and wine, Bring it come, Gal A Bubble



Abakunzi ba Konshens bagize ibihe byiza





Konshens i Kigali

Konshens mu mvugo ye y'icyongereza cy'aba Jamaica yakomezaga kugenda avuga ko yishimira gutaramira muri Afrika. Ati " Abanya-Jamaica natwe dukomoka muri Afrika, abakurambere bacu bajyanywe nk'abacakara muri Amerika, tuza kwisanga muri Jamaica ku mpamvu z'amateka."







Igitaramo cya East african party cyari kitabiriwe n'abafana b'ingeri zose

Mc Anita Pendo nyuma yo kubatizwa yongeye kugaragara mu ruhame akora akazi ke

Mc P Wamamaye nawe yagaragaye bwa mbere ayoboye igitaramo gikomeye, nyuma ya murumuna we Mc Nzi(Murenzi)wigaragazaga cyane mbere y'uko yerekeza muri Leta Zunze Ubumwe za Amerika

MC Wamamaye na Anita Pendo bayoboye iki gitaramo

• Tweet
• Share
• Share
• Share
• Share

About Admin MC3

This is dummy text. It is not meant to be read. Accordingly, it is difficult to figure out when to end it. But then, this is dummy text. It is not meant to be read. Period.

Related Post