Kayitesi Flavia abasore barwaniye bakicana nawe agapfa, yakinaga filime anafite ubukwe vuba

Mu ijoro ryo kuwa gatandatu rishyira kuri iki cyumweru ahagana saa cyenda na 45 nibwo mu kabari kitwa Hunters gaherereye mu Kagari ka Gisuna, mu Murenge wa Byumba mu Karere ka Gicumbi, habereye ibara, aho absore bari baje kubyina muri ako kabari bapfuye umukobwa maze umwe muri bo ahita yinyabya agarukana imbunda arasa mu kabari.

Umunyamabanga Nshingwabikorwa w’Umurenge wa Byumba Ngezahumuremyi Theoneste, yatangaje ko abantu bane bahise bahasiga ubuzima, abandi barindwi barakomereka bikabije, gusa amakuru twaje kumenya nyuma ni uko muri abo bakomeretse umwe nawe yaje gushiramo umwuka ubwo bari mu nzira bamujyana kwa muganga mu mujyi wa Kigali. Mu bapfuye harimo n’uwo mukobwa wabaye intandaro y’uko kurasa witwa Kayitesi Flavia ufite imyaka 30. Abandi bapfiriye muri ubwo bugizi bwa nabi ni Niyigena Placide, Murengera Assouman na Nsengiyumva Emile. Abakomeretse bahise bajyanwa mu bitaro ni Hategekimana Emmanuel, Bihoyiki, Nshizirungu Jean, Nkurikiye Ignace, Batayire Christine na Nshimiyimana Emmanuel.

Kayitesi Flavia abasore baramupfuye maze umwe muri bo amwicana n'abo basore

Tugarutse kuri uyu mukobwa wabaye intandaro yo kuraswa, mu bushakashatsi inyarwanda.com yabashije gukora twaje gusanga asanzwe ari umukinnyi w’amafilime mu Rwanda, akaba yarakinnye amafilime atandukanye mu cyitwa Glory Film Production, muri filime yakinnyemo hakaba harimo iyitwa Ntungaye kuko Imana yampinduye, Ubuhungiro bwanjye ni ku Mana, Humura n’izindi zitanga inyigisho za gikiristu ndetse nawe akaba yari umukiristu mu itorero rya Bethel. Yari asanzwe kandi ari umunyeshuri muri kaminuza y'icungamutungo ya Kigali (KIM).
 
Kayitesi Flavia ni uyu wambaye ikabutura y'ubururu
Uyu mukobwa ubusanzwe wabaga iwabo ku Irebero mu mujyi wa Kigali, yari yaraye muri aka kabyiniro ko mu majyaruguru aho yari yageze avuye iwabo mu mujyi wa Kigali, akaba kandi yari afite umukunzi uba i Butare bateganyaga gukora ubukwe muri uku kwezi gutaha kwa cyenda (Nzeri) nk’uko byemejwe na Ange Umurerwa wari usanzwe akinana nawe amafilime.

Kayitesi Flavia yari afite ubukwe mu kwezi gutaha kwa cyenda
Uwarashe Flavia n’abandi bagenzi be babyinanaga muri aka kabari ni umusirikare witwa Munyembabazi Théogène wari wambaye gisivili nk'uko byemejwe na DPC wa Gicumbi, uyu DPC wa Gicumbi ukuriye ibikorwa bya Polisi muri ako karere akaba ari nawe watangarije inyarwanda.com ko Flavia ari we wa mbere wabanje kuraswa arapfa, akuraho urujijo ku byavugwaga ko uyu mukobwa yaba yaguye igihumure ntahite apfa.

• Tweet
• Share
• Share
• Share
• Share

About Admin MC3

This is dummy text. It is not meant to be read. Accordingly, it is difficult to figure out when to end it. But then, this is dummy text. It is not meant to be read. Period.

Related Post