Ama G the Black yagiye atishyuye bafatira ibikoresho bya Producer we

Ku wa mbere tariki 25 Mata 2016 nibwo hafashwe amashusho y’indirimbo Ziada ya Amag The Black afatanije na Urban Boyz kimwe na Bruce Melodie, ifatwa ry’amashusho ryashojwe no gushwana hagati ya Hotel bakoreyemo na Producer wakoze iyi ndirimbo bituma agwatiriza indangamuntu n’ibikoresho kugira ngo hishyurwe ibyasengerewe bitishyuye.

Ubwo twamenyaga aya makuru twashatse kumenya ukuri tubaza umwe mu bakozi ba Sport View Hotel ari nayo bari bakoreyemo amashusho y’iyi ndirimbo, adutangariza ko koko ibyo bintu byabaye ndetse ko hari ibikoresho byasigaye kuri Hotel nyuma y’uko aba basore bagiye batishyuye inzoga bari basengereye.
Nyuma twegereye producer Nameless Campos wari uri gufata aya mashusho mu kiganiro yagiranye na inyarwanda.com  yaduhamirije ko aya makuru ariyo gusa yongeraho ko byahise bikemuka, ati:” twarabiganiriye byararangiye ibikoresho barabimpaye ni ikibazo cyari cyabayeho, abantu baraje baranywa bakajya babeshya ngo Amag The Black arabatumye, nyuma uyu muhanzi  yasize amafaranga twakoresheje ntawaruzi ko hari abandi banyweye bavuga ko turibwishyure. kuko uyu muhanzi yaramaze gutaha ntangiye gupakira ibikoresho mu modoka nibwo batangiye kunyishyuza  amafaranga ntazi aho yaturutse  kubera akazi ntamafaranga nari nagendanye byansabye kubanza gucyura bimwe mubikoresho by’akazi nsiga bike  barandeka, nyuma twaraganiriye kandi byararangiye.”
Humble G wo muri Urban Boyz mu ifatwa ry'amashusho y'indirimbo Ziyada
Uyu musore mu bikoresho yari yasize harimo Indangamuntu ndetse n’agatebe kifashishwa mu mashusho y’abahanzi, aho ubuyobozi bwa Hotel  bwari bwamuhaye amasaha make ngo babe bakemuye ikibazo kugira ngo aze atore ibikoresho bye ndetse n’icyangombwa.
Twashatse kumenya neza niba koko abantu bavugwa ko babeshyaga ngo Amag The Black arabaguriye hari aho bari bahuriye nawe maze umukozi wa Hotel twaganiriye wirinze gutangaza amazina ye aduhamiriza ko koko abo bantu basabaga inzoga bari mu gikundi cya Amag The Black bityo bikaba byari bigoye kuvumbura ko babeshyaga.

Abakobwa bazagaragara mu mashusho y'iyi ndirimbo
Amakuru agera ku inyarwanda.com arahamya ko nyuma yo kumvikana hagati ya Amag The Black na producer Nameless Campos habayeho kujya kwishyura amafaranga yarasigaye ndetse ubuyobozi bwa Hotel bukemera kubasubiza ibyo bari bahasize.
Indirimbo Ziada ya Amag The Black na Urban boyz na Bruce Melodieiraba yarangiye mu minsi ya vuba nkuko tubikesha uyu mu producer cyane ko amashusho yose yarakenewe yamaze gufatwa kuburyo  mu minsi ya vuba aya mashusho ashobora kujya hanze.

• Tweet
• Share
• Share
• Share
• Share

About Admin MC3

This is dummy text. It is not meant to be read. Accordingly, it is difficult to figure out when to end it. But then, this is dummy text. It is not meant to be read. Period.

Related Post