Pastor Gaby na mushiki we Claire bateguye umugoroba wo kuramya Imana ” Christocentric Worship Evening “

Ngamije Gabriel uzwi nka Pastor Gaby na mushikiwe Claire U. Ikirezi ni abakozi b’Imana bakorera umurimo w’Imana muri GCM ( Great Commission Ministry ) . Aba baririmbyi bombi bakaba baturuka mu muryango w’abana barindwi , barimo abakobwa bane n’abahungu batatu .
Ku cyumweru tariki ya 8 Gicurasi 2016 mu karere ka Kicukiro ho mu mujyi wa Kigali , kuri New Life Bible Church , hateguwe umugoroba wo kuramya no gushima Imana wiswe ” Christocentric Worship Evening “.

Ngamije Gabriel uzwi nka Pastor Gaby na mushikiwe Claire U. Ikirezi

Umutwe w’iki gitaramo tuwusanga mu gitabo cy’ibyandistwe byera , mu Ibyahishuwe 4:10 -11 hagira hati :” Ba bakuru makumyabiri na bane bikubita imbere y’Iyicara kuri iyo ntebe, bakaramya Ihoraho iteka ryose, bakajugunya amakamba yabo imbere y’iyo ntebe bavuga bati ” Mwami wacu, Mana yacu, ukwiriye guhabwa icyubahiro no guhimbazwa n’ubutware koko, kuko ari wowe waremye byose. Igituma biriho kandi icyatumye biremwa ni uko wabishatse.”
Mu kiganiro na  Pastor Gaby , yatangaje ko impamvu nyamukuru yabateye kugira ishyaka ryo gutegura umugoroba wo kuramya , ari ugusohoza ubushake bw’Imana k’ubuzima bwabo kandi basobanukiwe neza umumaro wo kuramya Imana , bakayishimira imirimo ihambaye yakoze .
Ati :” Impamvu ya mbere iduteye gutegura iki gikorwa , ni ukuramya Imana kuko ni nacyo twahamagariwe , kandi tubihera mu ijambo ryayo twabonye haruguru . Ubundi yaba njyewe cyangwa mushiki wanjye , twese twatangiye kuramya Imana tukiri bato kandi dukura tubikora twese tubikunze . Nababwira ko m’ubuzima bwacu hafi ya bwose kuririmba aricyo kintu duha umwanya munini nubwo dukora n’indi mirimo . Ikindi nuko mu gihe tuzaba dukora iki gikorwa , tuzanaboneraho umwanya wo kwereka abantu ibyo tumaze iminsi dutegura . Tumaze iminsi dutegura Album yacu ya mbere , mur’iki gitaramo tuzaririmbamo indirimbo zigera kuri enye mu ndirimbo 12 ziyigize zose z’amajwi ( Audio ) . Kandi zose zizasohoka kuri iyo Album twamaze kubonera izina , kuko twayise ” Narantsinze “.

Pastor Gaby

Uyu muyobozi kandi yemeza ko ubuhanga n’ubutumwa bugaragara muri izi ndirimbo zose , babukesha gusenga Imana ndetse n’imyiteguro ihagije yakozwe mu gihe kirenga umwaka umwe .
Mu ijambo rye , Pastor Gaby ati :” Umugoroba wo kubwira abantu icyo Imana yadushyize k’umutima uregereje ,tuzaramya Imana mu bihangano by’umwuka , kandi tuzababwira umushinga mushya twateguye wa Album yacu nshya tuzashyira hanze uyu mwaka . Indirimbo ziyiriho zose twazikuye mu masengesho , kandi ubutumwa burimo Imana yabuduhaye ngo tubusohoze kubo bugenewe . Ndibuka ko iyi Album tuyiteguye mu gihe kirenga umwaka wose . Twizeye ko umwuka wera azakora umurimo ukomeye mu bantu batandukanye , yaba abakijijwe cyangwa abadakijijwe kubera izi ndirimbo .”
Aba baririmbyi bombi bazwi cyane mu ndirimbo zihimbaza Imana mu Rwanda , aho bakunze kugaragara baririmba indirimbo zihimbaza Imana mu bitaramo bitandukanye , cyangwa bafasha mu majwi bamwe mu bahanzi batandukanye , nka Patient Bizimana , Aime Uwimana […].
Kwinjira mur’iki gitaramo cyo kuramya Imana ni ubuntu , kizatangira kuva ku isaha ya saa kumi nimwe z’umugoroba , kigeza saa mbiri z’ijoro ( 5:00 pm — 8:00 pm ).

Menya byinshi kuri uyu mugoroba wo kuramya

• Tweet
• Share
• Share
• Share
• Share

About Admin MC3

This is dummy text. It is not meant to be read. Accordingly, it is difficult to figure out when to end it. But then, this is dummy text. It is not meant to be read. Period.

Related Post