~ Heza

Andi mafoto y’ubukwe bwa Jimmy Mulisa

Umutoza wungirije mu ikipe y’igihugu, Amavubi, Jimmy Mulisa yakoze ubukwe bw’akataraboneka na Umutoni Alice kuri uyu wa Gatandatu, tariki ya 2 Nyakanga 2016.

Ubu bukwe bwitabiriwe n’abantu batandukanye barimo abayobozi bakuru b’Ishyirahamwe ry’umupira w’amaguru mu Rwanda, abatoza ndetse n’abakinnyi benshi biganjemo abo bakinanye mu ikipe y’igihugu Amavubi yitabiriye imikino nyafurika muri 2004.
Umuhango wabereye mu Busitani bwa King’s Garden ku Kicukiro mu masaha ya nimugoroba waranzwe n’amarira azenga mu maso y’abageni kubera ibyishimo, indirimbo zihimbaza Imana ziherekejwe n’imbyino gakondo zo mu Rwanda ndetse n’izo muri Uganda.
Hari nyuma y’umuhango wo gusezerana imbere y’Imana wabereye muri Cathédrale ya Ste Etienne Biryogo mu itorero ry’Abangilikani.
Abakinnyi bakanyujijeho mu ikipe y’igihugu barangajwe imbere n’umutoza wa AS Kigali, Eric Nshimiyimana, Ndikumana Hamadi Katauti na Karekezi Olivier bahaye Jimmy Mulisa impano y’umupira wo kwambara w’Amavubi ndetse n’umupira mushya wo gukina.

Jimmy Mulisa n'umugore we, Umutoni Alice, Karekezi yari yambariye inshuti ye

Jimmy Mulisa na Umutoni Alice ubwo bageraga mu Busitani bwa King's Garden

Jimmy Mulisa n'Umutoni Alice batambutse mu mbyino iboneye ijisho berekeza mu byicaro byabo

Batambukaga babyina indirimbo y'Imana

Mashami Vincent(uwa kabiri uturutse ibumoso) yari mu bambariye Jimmy Mulisa

Jimmy na Umutoni bategura umutsima wa kizungu(gateau)

Jimmy Mulisa yakoze ubukwe bwa Kinyarwanda bwiganjemo imbyino gakondo

Jimmy Mulisa na Umutoni Alice bakimara kugera mu byicaro by'icyubahiro bari bateguriwe

Itorero 'Inkeshagitaramo' ryataramiye karahava mu mbyino gakondo

Umutoza wungirije mu ikipe y'Amavubi U20, Mashami Vincent mu bambariye Jimmy Mulisa

Moudi(hagati) umuhuzabikorwa mu bukwe bwa Jimmy Mulisa

Jimmy Mulisa na Umutoni Alice bagendaga intambwe imwe ku yindi, agatoki ku kandi

Jimmy Mulisa n'umufasha we bakira impano y'umuryango

Barumuna ba Umutoni Alice bafashe ijambo bashimira mukuru wabo

Ijambo rya murumuna wa Alice, ryatumye afatwa n'ikiniga ararira

Umuryango wa Jimmy Mulisa wamushimiye ubunyangamugayo yagaragaje mu busore bwe

Amagambo ya nyirakuru yatumye Jimmy Mulisa aturika ararira

Karekezi Olivier yagerageje guhanagura Jimmy Mulisa amarira

Uhereye ibumoso- Karekezi Olivier, Katauti, Jimmy Mulisa na Umutoni Alice n'umutoza Eric Nshimiyimana

Byari ibyishimo bidasanzwe kuri Jimmy Mulisa n'umugore we Alice Umutoni

Katauti na Eric Nshimiyimana bambika Jimmy Mulisa umupira w'Amavubi

Umutoni Alice yatumbiriye umugabo we ari kwambara umwambaro w'ikipe y'igihugu

Eric Nshimiyimana wavuze mu izina ry'abakiniye Amavubi yashimiye Jimmy Mulisa ubutwari n'ubwitonze bwe. Karekezi Olivier( uwa kabiri iburyo) na Katauti(ufite agakapu mu ntoki)

Umuyobozi wa FERWAFA , Nzamwita Vincent De Gaulle nawe yatashye ubu bukwe

Jimmy Mulisa na Umutoni Alice bishimiye impano bahawe n'abahoze bakinira Amavubi mu myaka yo hambere

http://www.igihe.com/amakuru/u-rwanda/article/andi-mafoto-y-ubukwe-bwa-jimmy-mulisa

About Admin MC3

This is dummy text. It is not meant to be read. Accordingly, it is difficult to figure out when to end it. But then, this is dummy text. It is not meant to be read. Period.