Jeannette Kagame yakiriwe i Libreville na mugenzi we Sylvia Ondimba

Kuri uyu mugoroba, Mme Jeannette Kagame yageze i Libreville muri Gabon aho yakiriwe ku kibuga cy’indege na mugenzi we Sylvia Ondimba. Aha yagiyeyo mu nama yo kwizihiza umunsi mpuzamahanga w’umupfakazi uba buri tariki 23/06.

Mme Jeannette Kagame ku kibuga cy’indege i Libreville yakiriwe na Mme Sylvia Ondimba(ibumoso)

Mme Jeannnette Kagame na Sylvia Ondimba bagira ibikorwa byo kurwanya ihohoterwa rinyuranye rikorerwa abapfakazi.
Uyu munsi mpuzamahanga w’umupfakazi washyizweho n’Umuryango w’Abibumbye (UN) mu kwa 12/2010, kuri iyi nshuro ya gatandatu urizihirizwa muri Gabon yo yabisabye aho ifite umwanya mu nama y’umutekano ya UN.
Mme Jeannette Kagame akaba ari mu batumiwe kuzatanga ikiganiro kuri uyu munsi.
Muri uru ruzinduko rwe muri Gabon Mme Jeannette Kagame azasura ishuri ryitwa “Ecole internationale Ruban Vert” rya Mme Sylvia Ondimba. Iri shuri muri Gabon ngo ni ikitegererezo mu burezi.
Aba bagore b’abakuru b’igihugu bazasura ahitwa “rond point Nzeng-Ayong” baganire n’abagore ku bibazo bigendanye no gupfakara nk’uko bitangazwa n’ikinyamakuru Alibreville.
Mme Jeannette Kagame azwi mu bikorwa bigamije guteza imbere abagore n’abana b’abakobwa cyane cyane bahabwa amahirwe yo kwiga, gupfasha abarokotse Jenoside batishoboye no kwita ku mpfubyi.

Mme Jeannette Kagame yakiriwe na mugenzi we Sylvia

 http://www.umuseke.rw/jeannette-kagame-yakiriwe-i-libreville-na-mugenzi-we-sylvia-ondimba.html

• Tweet
• Share
• Share
• Share
• Share

About Admin MC3

This is dummy text. It is not meant to be read. Accordingly, it is difficult to figure out when to end it. But then, this is dummy text. It is not meant to be read. Period.

Related Post