Kigali: Impanuka ya Hiace iguyemo bane hakomereka icyenda

Aha imodoka yakoze impanuka yo mu bwoko bwa HIACE yari igiye kwikorerwa n'ikimodoka kinini ngo kiyihakure (Ifoto/Urinzwenimana Mike)

Saa moya n’iminota 15 zo muri iki gitondo, impanuka ikomeye yabereye i Nyamirambo mu karere ka Nyarugenge, ihitana abantu bane abandi 9 barakomereka bikabije.
Umuvugizi w’ishami rya Polisi rishinzwe umutekano wo mu muhanda, SP Jean Marie Vianney Ndushabandi, yavuze koiyo mpanuka yatewe n’umuvuduko ukabije.
Iyo mpanuka yabereye mu Mudugudu wa Rwintare, Akagali ka Gasharo mu Murenge wa Nyamirambo, iyo modoka ikaba ifite pulake RAB 251 G.
SP Ndushabandi yabwiye Izubarirashe.rw ati “Hapfuyemo bane hakomereka icyenda bajyanywe muri CHUK, imodoka yari ifite umuvuduko ukabije, ni ahantu hacuramye, umushoferi ananirwa kuyikontorora ayikubita mu muhanda igusha urubavu.”

Imbangukiragutabara zahise zihagoboka, zitwara inkomere n’imirambo (Ifoto/Urinzwenimana Mike)

Birashoboka ko umushoferi yari yasinze, nk’uko uyu muvugizi wa Polisi ishami rishinzwe umutekano wo mu muhanda, akomeza abitangaza.
Abapfuye n’abakomeretse bose bari mu modoka imbere. Nta mugenzi yagonze.
Iyi mpanuka ibaye nyuma y’indi ikomeye iherutse kubera Kicukiro Centre, kuwa 10 Kamena 2016, ihitana abantu barindwi abandi 9 barakomereka.
Kuri iyi nshuro, SP Ndushabandi, agira abashoferi kujya bagenzura ibinyabiziga byabo. Ati “Uyu biranakekwa ko yari yanyoye, na ba nyir’ibinyabiziga bagomba kujya bareba ababatwarira ibinyabiziga ni bantu ki?”

Umupolisi waje atabaye 9Ifoto/Urinzwenimana Mike)

Ikirahuri cy’imodoka cyamenetse (Ifoto/Urinzwenimana Mike)

• Tweet
• Share
• Share
• Share
• Share

About Admin MC3

This is dummy text. It is not meant to be read. Accordingly, it is difficult to figure out when to end it. But then, this is dummy text. It is not meant to be read. Period.

Related Post