Kigali harategurwa ijoro ridasanzwe ry’abambaye imyeru ‘DînerEnBlanc’

Harategurwa ikindi gitaramo cya DînerEnBlanc 2016 (Ifoto/Irakoze R.)

Ku nshuro ya gatanu, i Kigali hagiye kubera igitaramo gihuza abantu bambaye imyambaro y’umweru gusa, cya DînerEnBlanc, kizaba kuwa 23 Nyakanga 2016, guhera saa kumi n’ebyiri (6pm) kugeza saa yine (10pm), kikazabera ahantu hatazwi.
Uyu mwaka, iki gitaramo byitezwe ko kizakurura ba mukerarugendo benshi baturutse mu bihugu byo mu karere nk’u Burundi, Uganda, Kenya, Côte d’Ivoire, ibyo ku mugabane wa Afurika birimo Afurika y’Epfo n’ibyo hirya no hino ku Isi nka Canada, Switzerland, u Bubiligi, u Bufaransa, Australia, u Buholandi, Leta Zunze Ubumwe z’Amerika n’ahandi.
Reba HANO amashusho y’igitaramo cya Dîner en Blanc giheruka:

Hagendewe ku bitaramo bya DînerEnBlanc byabanje, kwitabira iki gitaramo ni ukubanza kwiyandikisha, ukazanizanira ibyo kurya n’ibyo kunywa wambaye imyambaro y’umweru gusa.
DînerEnBlanc ni igitaramo gisanzwe kiba no hirya no hino ku Isi. Kugeza kuri ubu kibera mu mijyi irenga 60 ikomeye irimo Paris, New York, Sydney, Tokyo, London, Vancouver, Montreal, Los Angeles, Nairobi, Haiti, Chicago, Philadelphia, Melbourne, Johannesburg, Singapore, Toronto n’ahandi.
Kigali, umurwa mukuru w’u Rwanda, ni wo wabaye umujyi wa mbere muri Afurika, wabereyemo ibirori bya Dîner en Blanc. Byabaye mu 2012, aho abagera kuri 350, Abanyarwanda n’abanyamahanga, bahuye bagasangira. Icyo gihe muri 2012, iki gikorwa kikaba cyarabereye i Nyarutarama mu busitani bw’ahitwa kwa Concorde.
Ku nshuro yakabiri, iki gitaramo cyabaye mu muhanda uri munsi ya RDB, ku Gishushu.
Mu 2014, ku nshuro ya gatatu, iki gitaramo cyabereye mu busitani bwa Acacia i Kagugu, mu mudugudu wa Gacuriro. Naho ku nshuro ya kane kibera mu marembo ya Stade Amahoro i Remera.
Uretse muri Kigali, muri Afurika ahandi habera iki gitaramo ni mu Mujyi wa Abidjan ho muri Côte d’Ivoire, Nairobi muri Kenya n’i Cape Town na Johannesburg muri Afurika y’Epfo.

Makeda ni we wayoboye igitaramo cy’ubushize

Abantu bizanira ibyo kunywa n’amafunguro

Habamo kwishima no kunezerwa

Buri wese aza yambaye ashaka kurusha abandi mu buryo bwe

Umuhanzi Charly ari mu bari bitabiriye iki gitaramo

Iki gitaramo kigamije no gusabana no guhuza abantu

Hazamo n’abanyamahanga baturutse hirya no hino ku Isi

• Tweet
• Share
• Share
• Share
• Share

About Admin MC3

This is dummy text. It is not meant to be read. Accordingly, it is difficult to figure out when to end it. But then, this is dummy text. It is not meant to be read. Period.

Related Post