Indege ya EgyptAir yari irimo abantu 66 yaburiwe irengero ku byuma bya ‘Radar’

Indege ya kompanyi yo mu Misiri (EgyptAir), yari ivuye mu Bufaransa mu Mujyi wa Paris yerekeje mu Misiri i Cairo, yaburiwe irengero ku byuma bigenzura indege(Radar) irimo abantu 66 nk’uko ubuyobozi b’iyi kompanyi bubitangaza.

Iyi ndege ni iyo mu bwoko bwa Airbus A320. Yakoraga urugendo rwiswe MS804. Nk’uko BBC ibitangaza mu nkuru yahaye umutwe ugira uti’ EgyptAir flight MS804 from Paris to Cairo disappears from radar’, iyi ndege yaburiye mu majyaruguru y’inyanja ya Mediterane, nyuma gato y’uko yinjiye mu kirere cya Misiri. Muri iyi ndege harimo abagenzi 56 habariwemo abana 3. Abakozi b’indege 7 ndetse n’abashinzwe umutekano 3 nabo bari muri iyi ndege nk’uko byatangajwe n’ubuyobozi bwa EgyptAir.

Muri aba bagenzi harimo Abanyamisiri 30, Abafaransa 15, Abantu 2 bakomoka muri Iraq n’abandi bakomoka mu bihugu binyuranye nka Canada, Kuwait, Algeria, Sudan, Chad na Portugal.
Ikinyamakuru The Guardian mu nkuru cyahaye umutwe ugira uti’ EgyptAir flight MS804 disappears from radar between Paris and Cairo’, cyatangaje ko iyi ndege yahagurutse  ku kibuga cya Charles de Gaulle, i Paris mu ijoro ryo kuri uyu wa gatatu ku isaha saa tatu n’iminota icyenda ku isaha ngengamasaha(GMT), ni ukuvuga saa tanu n’iminota icyenda zo mu Rwanda, ari nazo saha z’i Paris . Kugaraga kwanyuma ku byuma bya ‘Radar’ kwabaye ku isaha ya saa kumi na makumyabiri n’itandatu za mu gitondo ku isaha yo mu Misiri.

• Tweet
• Share
• Share
• Share
• Share

About Admin MC3

This is dummy text. It is not meant to be read. Accordingly, it is difficult to figure out when to end it. But then, this is dummy text. It is not meant to be read. Period.

Related Post