Amafoto: Minisitiri w’Intebe yahagarariye Perezida Kagame mu irahira rya Museveni

CiPn6eyUoAAt0L6 — Perezida Yoweri Kaguta Museveni,arahirira kongera kuyobora igihugu cy'Uganda , imyaka 5.

Minisitiri w’Intebe w’u Rwanda, Anastase Murekezi ni we wagiye muri Uganda yitabiriye irahira rya Perezida Yoweri Kaguta Museveni ryo kuri uyu wa 12 Gicurasi 2016.
Ibiro bya Minisitiri w’Intebe byatangaje ko Murekezi ari we wagiye muri Uganda mu kigwi cya Perezida Paul Kagame, bibinyujije kuri Twitter.

Musevine yakira abitabiriye umuhango wo kurahira ku yobora igihugu cya Ugunda imyaka 5.

Irahira rya Perezida Museveni ryitabiriwe n’abakuru b’ibihugu batandukanye, barimo barindwi bageze i Kampala kuri uyu wa Gatatu nk’uko tubikesha Ikinyamakuru New Vision.
Hagezeyo Perezida wa Tanzania Dr John Pombe Magufuli, Edgar Lungu wa Zambia; Idris Deby Itno wa Chad; Mohamadou Issoufou wa Niger; Robert Mugabe wa Zimbabwe; Ibrahim Boubabacar wa Mali na Teodore Oblang wa Equatorial Guinea.
Perezida Magufuli wagiye muri Uganda, ni rwo ruzinduko rwe rwa Mbere ahagiriye kuva yaba Perezida wa Tanzania. Urugendo rwa mbere yarugiriye mu Rwanda.

Irahira rya Perezida Museveni ribaye mu gihe u Rwanda ruri kwakira Inama yiga ku bukungu bwa Afurika (World Economic Forum on Africa) Perezida Kagame akaba ari kugaragara muri iyi nama mu biganiro. Iyi nama ikazasozwa kuri uyu wa 13 Gicurasi 2016.
Hagati aho, abakoresha imbuga nkoranyambaga muri Uganda bashyizwe mu bwigunge, kuko zafunzwe mu rwego rwo kwirinda ko zakoreshwa mu guhungabanya ituze mu gihe Museveni arahira.
Perezida Museveni yatowe n’abaturage muri Gashyantare 2016 ku majwi 60.8%. Naho Dr Kizza Besigye batavuga rumwe amugwa mu ntege n’ amajwi 35.4%. Uyu ariko yavuze ko yibwe.
Abayobozi b’ibihugu bitabiriye umuhago wo kurahira kwa Perezida Musevine wa Uganda

Minisitiri w’Intebe w’u Rwanda, Anastase Murekezi

Kuri uyu wa Gatatu Kizza Besigye yarahiriye kuyobora iki gihugu nka Perezida, ariko nyuma gato yo kurahira polisi iramutambikana.
Yoweri Kaguta Museveni w’imyaka 71 yatangiye kuyobora Uganda mu mwaka wa 1986, akaba agiye kuyobora iki gihugu muri manda ya gatanu.

About Admin MC3

This is dummy text. It is not meant to be read. Accordingly, it is difficult to figure out when to end it. But then, this is dummy text. It is not meant to be read. Period.